07 Aug 2025
(لاہور نیوز) پنجاب فوڈ اتھارٹی نے رائیونڈ مانگا روڈ کے ایک فیکٹری ایریا میں کریک ڈاؤن کرتے ہوئے چربی اور آلائشوں سے آئل تیار کرنے والے ایک غیر قانونی یونٹ کو پکڑ لیا۔
فوڈ سیفٹی ٹیموں نے 10 ہزار لٹر سے زائد گندا آئل تلف کر دیا اور اس حوالے سے ذمہ دار افراد کے خلاف مقدمہ درج کر لیا۔
ڈی جی پنجاب فوڈ اتھارٹی عاصم جاوید نے بتایا کہ ملزمان چربی اور آلائشوں سے آئل تیار کرتے ہوئے رنگے ہاتھوں پکڑے گئے، انہوں نے کہا کہ یہ آئل صحت کے لئے انتہائی مضر تھا اور اس میں ضروری کیمیکل بھی شامل نہیں کئے گئے تھے۔
