(لاہورنیوز) پنجاب حکومت نے پراپرٹی ٹیکس چوری کے تدارک کیلئے سخت اقدام اٹھالیا۔

پنجاب اسمبلی کی قائمہ کمیٹی نے پراپرٹی ٹیکس ترمیمی بل 2025 منظور کر لیا، بل کے مطابق پراپرٹی ٹیکس چوری کی اطلاع دینے والے شہریوں کو انعام دیا جائے گا، خفیہ پراپرٹی ٹیکس چوری کی ایکسائز افسر کھوج لگائے گا تو اسے بھی کارگردگی بنیاد پر انعامی رقم ملے گی۔اسی طرح حکومت نے پنجاب اربن امموویبل پراپرٹی ٹیکس ایکٹ 1958" میں وسل بلوور سے متعلق بڑی ترمیم منظور ٹیکس چوری، بدعنوانی یا کرپشن کی اطلاع دینے والا شخص "وسل بلوور"(Whistleblower) کہلائے گا، وسل بلوور کو فراہم کردہ معلومات پر ٹیکس یا جرمانہ وصول ہونے کی صورت میں انعام دیا جائے گا۔

انعامی رقم ٹیکس چوری کے مقدمے میں لگنے والے جرمانے سے ادا کی جائے گی ، ناقابلِ بھروسا، پبلک ریکارڈ میں موجود یا پہلے سے معلوم اطلاع پر انعام نہیں دیا جائے گا، انعام اسی صورت دیا جائے گا جب معلومات سے ٹیکس یا جرمانہ وصول ہو گا۔

حکومت وسل بلوور کے لیے انعامی سکیم کا طریقہ کار اور تناسب بھی مقرر کرے گی، محکمہ ایکسائز و ٹیکسیشن کے افسران کو بھی ٹیکس چوری پکڑنے پر انعام ملے گا، افسران کو انعام ٹیکس وصولی کے بعد اور کارکردگی کی بنیاد پر دیا جائے گا،کلیکٹر ٹیکس چوری یا چھپانے کی صورت میں متعلقہ ذمہ دار افسر کا تعین کرے گا۔حکومت افسران کے انعام کے لیے انفرادی یا اجتماعی کارکردگی کی بنیاد پر طریقہ کار طے کرے گی، ترمیمی بل کا مقصد شفافیت، احتساب اور شہری شمولیت کو فروغ دینا ہے، بل کے تحت خود تشخیصی نظام کے غلط استعمال پر نظر رکھنے کے لیے انعامی سکیم کرائی گئی۔

علاوہ ازیں متعارف فنانس ایکٹ 2024 کے تحت جائیداد ٹیکس کی بنیاد کرایہ کی بجائے ڈی سی ویلیو پر منتقل کی گئی، ترمیم شدہ قانون سے جائیدادوں کی جانچ سادہ، تیز اور غلط بیانی سے پاک ہو گی، بل کے تحت ٹیکس رپورٹنگ، جانچ، اور وصولی کا عمل مزید مؤثر بنایا گیا ہے۔

دوسری جانب ایف بی آر اور کسٹمز کی طرز پر پراپرٹی ٹیکس میں بھی انعامی سکیم کا نفاذ وسل بلوور قانون سے عوام کو ٹیکس نظام میں نگرانی اور شمولیت کا اختیار حاصل ہو گا، پنجاب اربن امموویبل پراپرٹی ٹیکس ترمیمی بل 2025 آئندہ اجلاس سے منظور کیا جائے گا۔

Follow Lahore News on X

Install our App