13 Jun 2025
(ویب ڈیسک) ڈائریکٹوریٹ آف سپیشل ایجوکیشن میں لگائے گئے لاکھوں روپے مالیت کے سولر پینل محض چھ ماہ میں ناکارہ ہونے لگے، ذرائع کے مطابق اب تک ان پینلز سے ایک بھی یونٹ بجلی حاصل نہیں کی جا سکی ہے۔
ذرائع کے مطابق سولر پینلز کے ساتھ بیٹریاں اور گرین میٹرز تاحال نہیں لگائے جا سکے ہیں، ادارے کی عدم دلچسپی کے باعث پینلز خراب ہونا شروع ہو گئے ہیں۔
شدید گرمی اور لوڈشیڈنگ کے دوران جنریٹرز نے بھی کام کرنا بند کر دیا ہے جبکہ جنریٹرز کے استعمال سے ماہانہ لاکھوں روپے کا پٹرول بھی ضائع ہو رہا ہے۔
اس سلسلے میں محکمہ خصوصی تعلیم کا موقف ہے کہ سولر پینلز انرجی ڈیپارٹمنٹ کی جانب سے لگائے گئے ہیں اور بیٹریاں و گرین میٹرز بھی انہوں نے ہی فراہم کرنے ہیں۔
