تفریح
نئے پروجیکٹ کے انتخاب سے قبل ہانیہ عامر کی کیا کیفیت ہوتی ہے؟اداکارہ نے دل کی بات بتادی
22 May 2025
22 May 2025
(ویب ڈیسک)معروف اداکارہ ہانیہ عامر نے کہا ہےکہ کسی بھی نئے پروجیکٹ کے انتخاب سے قبل الجھن کا شکار رہتی ہوں۔
تفصیلات کے مطابق اپنے ایک انٹرویو میں گفتگو کرتے ہوئے ہانیہ عامر کا کہنا تھاکہ کسی بھی پروجیکٹ کا انتخاب کرنے سے پہلے میں بہت الجھن کا شکار رہتی ہوں کہ میں نے اپنے مداحوں کے دلوں میں جگہ بنائی ہے کہیں میں وہ کھو نہ دوں، اس لیے میں بہت احتیاط سے اور بہت دھیان سےٹارگٹ کرکے اپنا اگلا پروجیکٹ کرتی ہوں۔
انہوں نے کہا کہ اگلے پروجیکٹ پر کام جاری ہے، ابھی اس پروجیکٹ کی صرف اسکرپٹ پڑھنے کا کام کیا جارہا ہے، عنقریب نئے پروجیکٹ میں نظر آؤں گی۔اداکارہ نے آخر میں اپنے تمام مداحوں کا دل سے شکریہ ادا بھی کیا۔
