24 Apr 2025
(لاہور نیوز) برکی پولیس نے 15 کی کال پر فوری ریسپانس کرتے ہوئے اغوا کے مقدمہ میں مطلوب 2 بچیوں کو تلاش کر لیا ۔
تفصیلات کے مطابق کھلی کچہری میں فیاض مسیح نے بچیوں کے لاپتہ ہونے کی شکایت کی تھی،ایس پی کینٹ کی ہدایت پر فوری نامعلوم افراد کیخلاف اغوا کا مقدمہ درج کیا گیا۔ایس پی کینٹ کی جانب سے بچیوں کو تلاش کرنے کیلئے ٹیم تشکیل دی گئی۔
چند گھنٹوں میں ایس ایچ او برکی عمران نواز نے ٹیم کے ہمراہ بچیوں کو تلاش کر لیا،بچیوں کی تلاش کیلئے سیف سٹی کیمروں اور ہیومین ریسورس سے مدد حاصل کی گئی۔
12سالہ ماریہ اور 9 سالہ مونیکا کے بحفاظت ملنے پر والدین نے پولیس سے تشکر کا اظہار کیا۔
