(لاہورنیوز) پاکستان منرلز انویسٹمنٹ فورم 2025 کا رواں ماہ کامیاب انعقاد ایس آئی ایف سی کی انتھک کاوشوں کا ثمر ہے،غیر ملکی سرمایہ کار کمپنیوں نے پاکستان میں منعقدہ منرلز انویسٹمنٹ فورم کو خوب سراہا۔

بین الاقوامی سرمایہ کار کمپنیوں نے پاکستانی کمپنیز کے ساتھ مشترکہ سرمایہ کاری میں گہری دلچسپی کا اظہار کیا۔معروف جیو فزکس ایکسپرٹ کمپنی کے آفیسر  رابرٹ ولسن نے پاکستان میں سرمایہ کاری میں دلچسپی کا اظہار کرتے ہوئے کہا کہ پاکستان میں کاپر گولڈ اور دیگر معدنی وسائل کے وسیع ذخائر موجود ہیں، اگر آپ پاکستان میں سرمایہ کاری کرنا چاہتے ہیں تو یہ بہترین موقع ہے۔

ہمالین ارتھ ایکسپلوریشن کے نمائندے سید علی گیلانی کا کہنا تھا کہ یہ کانفرنس ایس آئی ایف سی اور منسٹری آف پیٹرولیم کی جانب سے اہم پیشرفت ہے، یہ پلیٹ فارم غیر ملکی سرمایہ کاروں کے لیے سنہری موقع ہے۔گلوبہ کور کے نمائندے نے کانفرنس کو سراہتے ہوئے کہا کہ یہ بہترین پلیٹ فارم ہے، جہاں مختلف سرمایہ کار اور کمپنیز پارٹنرشپ کر سکتی ہیں، جبکہ پی ایس آئی کمپنی کے نمائندے سکندر کا کہنا تھا کہ یہاں سرمایہ کاروں کے باہمی روابط کے لیے منظم پلیٹ فارم کی موجودگی خوش آئند ہے، ہم پاکستان کے بہت شکر گزار ہیں جنہوں نے اس بہترین موقع پر ہمیں مدعو کیا۔

ایگزیوم گروپ کینیڈا کے نمائندے نے کہا کانفرنس میں ہم مختلف سرمایہ کاروں سے ملے ہیں اور ہمیں یہاں آ کر بہت خوشگوار تجربہ ہوا، ہم پاکستان میں جیو فزکس سے متعلقہ پروجیکٹس میں مختلف کمپنیز کے ساتھ پارٹنرشپ کر رہے ہیں۔

غیر ملکی سرمایہ کار کا کہنا تھا کہ ہم پاکستانی کمپنیز کے تجربے سے بھی مستفید ہو رہے ہیں، غیر ملکی سرمایہ کاروں کا بڑی تعداد میں منرلز کانفرنس میں شرکت ایس آئی ایف سی اور حکومتی کاوشوں کا منہ بولتا ثبوت ہے۔ 

Subscribe Lahore News on YouTube

Install our App