(لاہور نیوز) لاہور بار ایسوسی ایشن کے سالانہ انتخابات کل (11 جنوری 2025 بروز ہفتہ) ہوں گے، 11 نشستوں پر 35 امیدوار مدمقابل ہوں گے۔

مجموعی طور پر 14 ہزار 712 ووٹرز بائیو میٹرک سسٹم کے تحت ووٹ کاسٹ کر سکیں گے، صدر کی نشست پر چار امیدوار مدمقابل ہوں گے، صدر کی نشست پر ایڈووکیٹ عرفان حیات باجوہ ، مبشر رحمنٰ چوہدری ، ادیب اسلم بھنڈر اور میاں فیض علی مدمقابل ہوں گے۔

نائب صدر لاہور بار کی سیٹ پر چھے امیدوار مدمقابل ہوں گے، نائب صدر کی نشست پر ساجد حسین بلوچ ، ملک افضل بشیر ، ملک سیف کھوکھر ، میاں شرجیل ، میاں طاہر منیر اور ہمایوں ظہیر بھٹی کا مقابلہ ہو گا۔

نائب صدر ماڈل ٹاؤن کچہری سیٹ پر تین امیدوار مدمقابل ہوں گے جن میں آصف کنول خان ، اسلم بھلر اور وقاص کاہلوں شامل ہیں، نائب صدر کینٹ کچہری سیٹ پر تین امیدوار مدمقابل ہوں گے، نائب صدر کینٹ کچہری سیٹ پر افلاطون جھکڑ ، زاہد محمود گل اور عابد لطیف کھوکھر کا مقابلہ ہو گا۔

لاہور بار ایسوسی ایشن کے کل ہونے والے انتخابات میں سیکرٹری لاہور بار کی سیٹ پر چھے امیدوار مدمقابل ہوں گے، سیکرٹری لاہور بار کی سیٹ پر جنید حیدر انصاری ، شعیب اشرف بھٹی ، ملک شرجیل کھوکھر ، ملک فہد نثار کھوکھر ، نصیر بھلہ اور وقار خان میں مقابلہ ہو گا، اس کے علاوہ جوائنٹ سیکرٹری کی سیٹ پر تین امیدوار مدمقابل ہوں گے، جوائنٹ سیکرٹری کی سیٹ پر ثمینہ بسرا ، حافظ شجاعت علی اور شکیل اسحاق خان میں مقابلہ ہو گا۔

مزید برآں فنانس سیکرٹری کی نشست پر تین امیدوار مدمقابل ہوں گے، فنانس سیکرٹری کی نشست پر اعجاز گجر ، زوہیب خان اور ملک ندیم مدمقابل ہوں گے، لائبریری سیکرٹری کی نشست پر چار امیدوار مدمقابل ہوں گے، لائبریری سیکرٹری کی نشست پر ارشد چدھڑ ، ایم فریاد چوہدری ، ثمینہ کھوکھر اور عدنان امجد بھٹی مدمقابل ہوں گے۔

آیٹر کی نشست پر پروفیسر عتیق احمد خان اور راحیلہ حفیظ رانا کا ون ٹو ون مقابلہ ہو گا، ضابطہ اخلاق کی خلاف ورزی پر تمام امیدواروں کو لاکھوں روپے کے جرمانے ہو سکتے ہیں، پولنگ کا عمل صبح نو بجے سے شام پانچ بجے تک جاری رہے گا، ووٹر وکلا بائیو میٹرک طریقے سے ووٹ کاسٹ کریں گے۔

Follow Lahore News on Twitter

Install our App