![](/lahorenewsimages/90516_61635486.jpg.pagespeed.ce.hmu3t_adtN.jpg)
11 Jun 2024
(ویب ڈیسک) پاکستان کرکٹ ٹیم کے اسسٹنٹ کوچ اظہر محمود نے کہا ہے کہ کرکٹ میں اگر مگر تو ہوتا رہتا ہے، پہلے بھی ہوتا رہا ہے، جب تک ختم نہیں ہوتا ہم ہمت نہیں ہاریں گے۔
نیو یارک میں پریس کانفرنس کرتے ہوئے اظہر محمود کا کہنا تھا کہ دو شکستوں کے بعد ہر کوئی کافی مایوس ہے، انڈیا سے میچ ہارنا امریکا کیخلاف شکست سے زیادہ دکھ دیتا ہے۔
انہوں نے کہا کہ ہماری شاٹ سلیکشن ٹھیک نہ تھی جس کی وجہ سے 6 کا رن ریٹ 10 پر چلا گیا، ہم 15 ویں اوور تک ٹھیک کھیل رہے تھے۔
پاکستان کے اسسٹنٹ کوچ کا کہنا تھا کہ ہم بطور ٹیم ہارے ہیں، انفرادی طور پر کسی کو نہیں کہہ سکتے، دونوں میچز میں ہماری شاٹ سلیکشن اور فیصلے ٹھیک نہ تھے، غلط وقت پر غلط شاٹ کھیلے گئے جس کی وجہ سے میچ ہاتھ سے نکلا۔