![](/lahorenewsimages/78620_53033720.jpg.pagespeed.ce.WN9yjfViqv.jpg)
29 Nov 2023
(ویب ڈیسک) قومی کرکٹ ٹیم کے سابق کپتان وسیم اکرم نے آئی سی سی ورلڈکپ فائنل میں شکست کا ذمہ دار بھارتی کرکٹ شائقین اور سوشل میڈیا کو قرار دیدیا۔
احمد آباد کے نریندر مودی سٹیڈیم میں آسٹریلیا نے ورلڈکپ کے فائنل میں بھارت کو ہوم گراؤنڈ پر شکست سے دوچار کیا اور چھٹی مرتبہ عالمی چیمپئن بننے کا اعزاز حاصل کیا تھا۔
سوئنگ کے سلطان وسیم اکرم نے شائقین، سوشل میڈیا اور ٹیلی ویژن چینلز کو بھارتی ٹیم کی ناکامی کا ذامہ دار ٹھہراتے ہوئے کہا کہ انہوں نے میچ کھیلنے سے قبل ہی ٹیم کو چیمپئن قرار دیدیا تھا جس کا انہیں نقصان اٹھانا پڑا۔
انہوں نے کہا کہ بھارتیوں کا ٹیم سے توقعات رکھنا فطری تھا لیکن انہیں سوشل میڈیا اور ٹیلی ویژن پر چیمپئن قرار دینا غلط تھا۔
وسیم اکرم نے کہا کہ آسٹریلیا نے فائنل میں جس انداز سے کھیلا وہ واقعی جیت کے کریڈٹ کے مستحق تھے۔