![](/lahorenewsimages/74618_40137700.jpg.pagespeed.ce.m4kre1n9Lv.jpg)
25 Sep 2023
(ویب ڈیسک) ایشین گیمز کے کرکٹ کے مقابلے میں برانز میڈل میچ میں پاکستان ویمن ٹیم کو شکست ہو گئی۔
بنگلا دیش ویمن ٹیم نے پاکستان کو 5 وکٹوں سے ہرا کر برانز میڈل جیت لیا، بنگلا دیش نے 65 رنز کا ہدف 5 وکٹ پر 19 ویں اوور میں حاصل کر لیا۔
پاکستان کی نشرح سندھو نے 10 رنز دے کر 3 وکٹیں حاصل کیں، بنگلا دیش کی شورنا اختر نے 14 رنز بنائے جبکہ شمیمہ سلطانہ نے 13 رنز سکور کیے۔
پاکستان ویمن ٹیم 20 اوورز میں 9 وکٹ پر 64 رنز ہی بنا سکی تھی، پاکستان کی عالیہ ریاض 17 رنز بنا کر ٹاپ سکورر رہیں، ندا ڈار نے 14، صدف شمس نے 13 اور نتالیہ پرویز نے 11 رنز بنائے۔
بنگلا دیش ویمن کی شورنا اختر نے 3 جبکہ سنجیدہ اختر نے 2 وکٹیں حاصل کیں، 2 مرتبہ کی گولڈ میڈلسٹ پاکستان ویمن ٹیم اس بار کوئی میڈل نہ جیت سکی۔