10 Apr 2026
(لاہور نیوز) صنم جاوید کو عدالت میں پیش نہ کرنے پر کوٹ لکھپت جیل کے سپرنٹنڈنٹ کو شوکاز نوٹس جاری کر دیا گیا۔
عدالت میں سماعت کے دوران فلک جاویداور صنم جاوید کو طلب کیا گیا تھا تاہم فلک جاوید کو پیش کیا گیا جبکہ صنم جاوید کو عدالت میں پیش نہیں کیا جا سکا۔
یہ کیس ذوالفقار نعیم کی عدالت میں زیر سماعت آیا، جہاں فاضل جج نے عدم پیشی پر سخت برہمی کا اظہار کیا، عدالت نے متعلقہ حکام سے وضاحت طلب کر لی۔
عدالت نے سپرنٹنڈنٹ جیل کو شوکاز نوٹس جاری کرتے ہوئے مزید سماعت 16 اپریل تک ملتوی کرتے ہوئے مکمل جواب جمع کرانے کا حکم بھی دیا ہے۔
