وزیر اعلی پنجاب کی ہدایات ہیں کہ میڈیا ہاؤسز کے واجبات جلد ادا کئے جائیں، عظمیٰ بخاری
(لاہور نیوز) عظمیٰ بخاری نے لاہور پریس کلب میں جرنلسٹس کانفرنس میں شرکت کی اور کہا کہ وزہر اعلیٰ پنجاب مریم نوز کی ہدایات ہیں کہ میڈیا ہاؤسز کے واجبات جلد ادا کئے جائیں۔
صوبائی وزیر برائے اطلاعات و نشریات عظمیٰ بخاری نے کانفرنس کے شرکاء سے خطاب کرتے ہوئے کہا میری سیاست میڈیا کے اردگرد رہی ہے، میڈیا سے اچھی وابستگی کے باعث ہی شاہد مجھے وزارت اطلاعات و نشریات کا قلمدان دیا گیا ہے۔
وزیر اطلاعات پنجاب عظمیٰ بخاری نے کہا وزیراعلی پنجاب کی ہدایات ہیں کہ میڈیا ہاؤسز کے واجبات جلد ادا کئے جائیں، اشتہارات کی مدد میں ملنے والی رقم چاہتے ہیں کہ ملازمین تک پہنچے۔
صحافی برادری کو اپنے اندر کے غلط لوگوں کو غلط کہنا ہو گا، کیا کسی صحافی کا آج تک احتساب ہوا ہے، جن صحافیوں پر الزامات ہیں کیا کسی صحافی نے ان سے بھی سوال کیا ہے، ہم ایک دوسرے کو گالی دے کر خود کو اچھا ثابت کرنے میں لگے ہوئے ہیں۔
