22 Feb 2026
(لاہور نیوز) جاتی امرا کے علاقے میں بجلی چوروں کے خلاف کارروائی کے دوران بڑے پیمانے پر بجلی چوری پکڑی گئی۔
ایکسین کے مطابق ایک منظم گروہ طویل عرصے سے بڑے پیمانے پر بجلی چوری کروا رہا تھا۔ کارروائی کے دوران انکشاف ہوا کہ دو ٹرانسفارمرز سے 95 گھروں کو غیر قانونی کنکشن دے رکھے تھے اور ٹرانسفارمرز سے ڈائریکٹ سپلائی لگا کر بجلی فراہم کی جا رہی تھی۔
حکام کا کہنا ہے کہ اس غیر قانونی عمل سے لیسکو کو لاکھوں روپے کا نقصان پہنچایا جا رہا تھا۔
ایکسین نے بتایا کہ ملزم حاجی عارف کے خلاف مقدمہ درج کر لیا گیا ہے جبکہ دیگر ملوث افراد کی گرفتاری کے لیے مختلف مقامات پر چھاپے مارے جا رہے ہیں۔
