(لاہورنیوز)پاکستان سپر لیگ (پی ایس ایل) کی فرنچائز ملتان سلطانز 2 ارب 45 کروڑ کی تاریخ رقم میں ولی ٹیک نے خرید لی۔
لاہور میں ہونے والی بولی کے عمل میں 5 بڈرز شریک ہیں، جن کے درمیان سخت مقابلہ ہے، ملتان کی ٹیم کی نیلامی کےلیے بیس پرائس 182 کروڑ روپے مقرر کی گئی تھی۔
چیئرمین پاکستان کرکٹ بورڈ (پی سی بی) محسن نقوی نے ملتان سلطانز کی بولی کے عمل کا آغاز کیا، آکشن تقریب میں سابق چیئرمین پی سی بی نجم سیٹھی، پاکستان کے لیجنڈ بلے باز ظہیر عباس ، لاہور قلندرز کے مالکان ثمین رانا اور عاطف رانا بھی شریک ہیں۔
واضح رہے کہ ملتان سلطانز پی ایس ایل کی نمایاں اور مقبول فرنچائزز میں شمار ہوتی ہے جس کے باعث اس کے مالکانہ حقوق کے حصول کے لیے بڈرز خاصا جوش دکھا رہے ہیں۔
یاد رہے کہ ملتان سلطانز کے سابق مالک علی ترین نے 10 سالہ ملکیت کے معاہدے کی تجدید سے انکار کیا تھا جس کے بعد پی سی بی نے فرنچائز کی نیلامی کا اعلان کیا تھا۔
