وزیر اعلیٰ مریم نواز شریف اور وزراء نے آفیشل ورکشاپ "ایمپاورنگ پنجاب ود اے آئی" میں شرکت کی، آفیشل ورکشاپ "ایمپاورنگ پنجاب ود اے آئی " کا باقاعدہ آغاز منسٹر کی حاضری سے کیا گیا۔

پنجاب کابینہ کے ارکان کو Gemini کے مفید استعمال پر بریفنگ دی گئی، گورننس اور پالیسی فریم ورک کی تشکیل کے اے آئی کے استعمال سے آگاہ کیا گیا۔

آپریشنل پالیسی سازی، شعبہ جاتی اصلاحات اور دیگر امور میں اے آئی معاونت پر گفتگو کی گئی، پالیسی سمری تجزیہ، سمری اور گوگل ٹولز پر تبادلہ خیال کیا گیا۔

اس موقع پر وزیر اعلیٰ مریم نواز  نے پنجاب کے سکولوں میں اے آئی استعمال لازمی قرار دے دیا اور پنجاب میں گوگل ٹیک ویلی ڈیجیٹل ٹرانسفارمیشن ایڈوائزری بورڈ قائم کرنے کا فیصلہ کیا گیا۔

گوگل فار ایجوکیشن کے ماہرین نے شرکاء کو بریفنگ دی، پنجاب میں ٹیک ویلی گوگل فار ایجوکیشن کے پلیٹ فارم پر 3 ہزار اساتذہ کی ماسٹر ٹریننگ کی گئی۔

شرکا کو بتایا گیا کہ پنجاب میں سکول ایجوکیشن ڈیپارٹمنٹ میں تین لاکھ سے زائد سٹوڈنٹس آئی ڈی قائم ہیں، پنجاب ایجوکیشن فاؤنڈیشن کے 2 لاکھ طلبہ اور دو ہزار ٹیچر کی ٹریننگ کی گئی ہے۔

اس موقع پر شرکاء کو بریف کیا گیا کہ ڈیجیٹل صحافت کے فروغ کے لئے دس آرگنائزیشن کے لئے ہزار سکالرشپس ہیں، گوگل ٹیم  نے 2026 کو یوتھ کا سال قرار دینے پر وزیر اعلیٰ مریم نواز کو خراج تحسین پیش کیا اور کہا کہ لاہور جیسا شہر نہیں دیکھا، یہ شہر تاریخ اور ثقافت کا امتزاج ہے۔

اس موقع پر مریم نواز  نے کہا کہ ڈیجیٹل ٹیکنالوجی سوچ اور کام کے طریقہ کار کو بدل سکتی ہے، مریم نواز شریف نے کہا کہ اصلاحات اور پالیسی سازی میں اے آئی کی معاونت ناگزیر ہے، اے آئی ٹولز کا ذمہ داری سے استعمال مثبت تبدیلیاں لا سکتا ہے۔