25 Oct 2025
(لاہورنیوز) امیر جماعت اسلامی حافظ نعیم الرحمان نے کہا ہے کہ نومبر میں’ بدل دو پاکستان تحریک ‘ شروع کی جائے گی۔
پنجاب کے ضلع گجرات میں’بنو قابل‘ تقرہب سے خطاب کرتے ہوئے حافظ نعیم الرحمان کا کہنا تھا کہ انگریز چلا گیا لیکن اس کا افسر شاہی نظام آج بھی جاری ہے، یہ خود کو حاکم اور ہمیں محکوم سمجھتے ہیں۔اُنہوں نے کہا کہ گریڈ انیس بیس کا افسر بچے کی شادی پر کروڑوں کیسے خرچ کرتا ہے، کسان کسمپرسی کا شکار اور یہ ترقی کرتا ہے،اس گلے سڑے نظام کو بدلنا ہو گا، نوجوان اس تحریک کا حصہ بنیں اور کامیاب بنائیں۔
امیر جماعت اسلامی کا کہنا تھا کہ چہرے، جھنڈے اور پارٹیاں نہیں اس نظام کو بدلنا ہو گا، اگلے ماہ سے بدل دو پاکستان تحریک شروع کی جائے گی ، پارٹی کوئی بھی ہو ساری پارٹیاں شامل ہو کر مراعات لیتے ہیں۔حافظ نعیم الرحمان نے کہا کہ گجرات پانی میں ڈوبا تو سالوں سے حکمران رہنے والے کہاں تھے، زندہ باد مردہ باد کی سیاست کو بھی مردہ باد کہنا ہو گا،بنو قابل میں ہزاروں نوجوان بچوں بچیوں کی شرکت اس کی اہمیت کو واضع کر رہی ہے۔
اُن کا کہنا تھا کہ آج صرف بارہ فیصد نوجوان اعلی تعلیم حاصل کر پا رہے ہیں، آئی ٹی کی پاکستان کو ضرورت ہے ،چھوٹی سوچ کے حکمران ہمیں بھکاری نہ بنائیں، بنو قابل پاکستان کے لیے گیم چینجر ثابت ہو گا۔
آپ کی اس خبر کے متعلق رائے
