20 Oct 2025
(لاہور نیوز) ناجائز اسلحہ رکھنے والوں کیخلاف کریک ڈاؤن کیلئے کرائم کنٹرول ڈیپارٹمنٹ (سی سی ڈی) کو ایک اور اہم ذمہ داری سونپ دی گئی۔
صوبے بھر میں غیر قانونی ہتھیاروں رکھنے فروخت کرنےوالوں کے خلاف کریک ڈاون کی تیاریاں، صوبے میں غیر قانونی ہتھیاروں کی بہتات اور اسلحہ کے پھیلاؤ کو سنگین قرار دے دیا گیا، سی سی ڈی حکام کا کہنا ہے کہ سی سی ڈی افسران کاضلعی سطح پر غیر قانونی ہتھیاروں کے خلاف بھر پور کارروائی کے لئے پلان تیار کر لیا گیا ہے۔
پنجاب میں غیر قانونی ہتھیاروں میں ملوث عناصر کی لسٹیں مرتب کرنے کا عمل بھی شروع ہو گا، امن دشمن عناصر کیخلاف کریک ڈاون کافیصلہ ہو چکا ہے۔غیر قانونی ہتھیاروں کی بہتات کی وجہ سے اندرونی سلامتی خراب ہو رہی ہے، سی سی ڈی افسران نے ضلعی سطح پر غیر قانونی ہتھیاروں کے خلاف بھر پور کارروائی کے لئے پلان تیار کر لیا ہے۔
