23 Sep 2025
(لاہور نیوز) پاکستان میں پولٹری مصنوعات کی قیمتوں میں اُتار چڑھاؤ کا سلسلہ جاری ہے۔
حالیہ دنوں میں برائلر مرغی کے گوشت کی قیمت میں 7 روپے کی کمی آئی ہے جس کے بعد فی کلو قیمت 504 روپے تک پہنچ گئی ہے، تاہم مارکیٹ میں صافی گوشت کی قیمت 560 روپے فی کلو تک پہنچ گئی جس نے صارفین کو مزید مشکلات میں ڈال دیا ہے۔
زندہ برائلر کی قیمت میں بھی 5 روپے فی کلو کی کمی دیکھی گئی ہے جس کے بعد ہول سیل قیمت 334 روپے فی کلو اور پرچون قیمت 348 روپے فی کلو پر آ گئی ہے۔
فارمی انڈوں کی قیمت میں کوئی تبدیلی نہیں آئی اور یہ 305 روپے فی درجن پر برقرار ہیں، اس کے علاوہ مارکیٹ میں انڈوں کی پیٹی 9 ہزار 30 روپے میں دستیاب ہے جو گزشتہ چند دنوں سے ایک جیسی قیمت پر فروخت ہو رہی ہے۔
