میٹرک بیالوجی کا پریکٹیکل، ڈسٹری بیوٹر نے لیب نمبر 312 میں سوالیہ پیپر تقسیم نہ کیا
(لاہور نیوز) میٹرک بیالوجی کے پریکٹیکل میں لاہور بورڈ کی لاپرواہی سامنے آ گئی۔
تفصیلات کے مطابق ڈسٹری بیوٹر انسپکٹر محمد منیر نے لیب نمبر 312 میں بیالوجی پریکٹیکل کا سوالیہ پیپر تقسیم نہ کیا، پریکٹیکل ایگزامینر محمد ذیشان نے سوالیہ پیپر نہ ملنے کی اطلاع فوری لاہور بورڈ کو کی۔
ایگزامینر محمد ذیشان نے دوسرے سینٹر سے پیپر لیکر فوٹو کاپی کروا کر طلبہ کا پریکٹیکل کنڈکٹ کروایا، نااہلی کے باوجود تاحال بورڈ حکام نے ڈی آئی محمد منیر کیخلاف کوئی انکوائری نہیں لگائی۔
لیب نمبر 312 میں بیالوجی کا سوالیہ پرچے کا بنڈل ابھی بھی سیل بند پڑا ہے، تمام واقعہ کے باوجود ڈی آئی محمد منیر دھڑلے کیساتھ ڈیوٹی کرتا رہا، ایگزامینر محمد ذیشان کے پاس سوالیہ پیپر کے صرف 2 خالی لفافے موجود تھے۔
کنٹرولر امتحانات زاہد میاں نے واقعہ کا علم ہونے پر انکوائری شروع کر دی۔
کنٹرولرامتحانات زاہد میاں کا کہنا ہے کہ متعلقہ عملے کیخلاف سخت کاروائی عمل میں لائی جائے گی۔
