27 Apr 2025
(لاہور نیوز) غیر قانونی مقیم غیر ملکی باشندوں کے انخلا کی مہم جاری ہے، افغانیوں سمیت 12 ہزار 548 غیر قانونی مقیم باشندوں کو ڈی پورٹ کر دیا گیا۔
انخلا مہم میں 12 ہزار 759 غیر قانونی مقیم باشندوں کو ہولڈنگ سنٹرز پہنچایا گیا، ترجمان پنجاب پولیس کے مطابق 211 غیر قانونی مقیم افرادہولڈنگ پوائنٹس پر موجود ہیں جبکہ صوبہ بھر میں 46 اور لاہور میں 5 ہولڈنگ سنٹرز قائم ہیں۔
آئی جی پنجاب کا کہنا تھا کہ سکیورٹی ہائی الرٹ ہے، تمام غیر قانونی مقیم افراد کا انخلا یقینی بنا رہے ہیں، انخلا کے عمل کے دوران انسانی حقوق کو مکمل طور پر مدنظر رکھا جا رہا ہے۔
