24 Feb 2025
(لاہورنیوز)وزیر اعظم شہباز شریف نے کہا ہے کہ نارتھ ساؤتھ راہداری کاروباری سرگرمیوں اورروابط میں معاون ثابت ہوگی۔
وزیراعظم نے باکو میں نگورنو کاراباخ کی جنگ کے ہیروز اور شہدا کی یادگار فتح کا دورہ کیا، شہبازشریف نے یادگار پر پھول رکھے۔بعد ازاں صدر آذربائیجان الہام علیوف کے ساتھ مشترکہ پریس کانفرنس کرتے ہوئے انہوں نے کہا کہ دوارب ڈالرسرمایہ کاری کےمعاہدوں کوایک ماہ میں حتمی شکل دینےپراتفاق ہوا ہے۔
شہباز شریف کا کہنا تھا کہ دفاعی پیداوار کے شعبے میں تعاون کو فروغ دیا جائے گا، پاکستان میں سرمایہ کاری کےبڑے مواقع ہیں، مختلف شعبوں میں تعاون پر آذربائیجان کی قیادت کے مشکورہیں۔وزیراعظم نے کہا کہ دونوں ملکوں کےدرمیان معاشی سرگرمیوں سےمعیشت میں استحکام آئےگا، پاکستان میں غیرملکی سرمایہ کاروں کوسہولیات فراہم کر رہے ہیں، نارتھ ساؤتھ راہداری کاروباری سرگرمیوں اور روابط میں معاون ثابت ہوگی۔
ان کا کہنا تھا کہ راہداری مستقبل میں گیم چینجرثابت ہوگی، سرمایہ کاروں کو تجارتی سہولیات سےکاروباری سرگرمیوں میں اضافہ ہو گا، آخر میں انہوں نے پاکستان آذربائیجان دوستی زندہ باد کا نعرہ بھی لگایا۔دوسری جانب صدر آذربائیجان الہام علیوف کا اپنی گفتگو میں کہنا تھا کہ دونوں ملکوں کی تاجربرادری کو پرکشش مواقع سے فائدہ اٹھانا چاہیے، گزشتہ دورہ پاکستان کے دوران مختلف شعبوں میں تعاون پربات ہوئی۔
آپ کی اس خبر کے متعلق رائے
