18 Feb 2025
(ویب ڈیسک) لاہور بورڈ نے میٹرک کے سالانہ امتحان کے دوران 156 امتحانی سینٹرز کو حساس قرار دے دیا۔
لاہور بورڈ نے واضح کیا ہے کہ اگر کوئی ہیڈ اپنے سینٹر میں کیمروں کے ساتھ انٹرنیٹ کی سہولت فراہم نہیں کرتا تو ان کے خلاف مجاز اتھارٹی سخت کارروائی کرے گی، امتحانی سینٹروں میں نصب کئے گئے تمام کیمرے درست حالت میں ہونے چاہئیں تاکہ امتحان کے دوران کسی بھی قسم کی دھاندلی سے بچا جا سکے۔
دوسری جانب سکول سربراہان نے اس بات پر تشویش کا اظہار کیا ہے کہ بہت سے تعلیمی اداروں میں انٹرنیٹ کی سہولت دستیاب نہیں ہے اور فنڈز کی کمی کے باعث اکثر کیمرے خراب ہیں۔
ان کا کہنا ہے کہ لاہور بورڈ کو امتحانی سینٹروں میں ان ضروری سہولتوں کی فراہمی کے لئے فنڈز فراہم کرنے چاہئیں۔
