(لاہور نیوز) پنجاب میں گھروں میں گاڑی دھونے پر پابندی عائد کر دی گئی، گھر میں گاڑی دھونے پر 10 ہزار روپے جرمانہ ہو گا۔
لاہور ہائی کورٹ کے حکم پر محکمہ ماحولیات نے احکامات جاری کر دیئے، سینئر وزیر مریم اورنگزیب، سیکرٹری ماحولیات راجہ جہانگیر، ڈی جی ماحولیات عمران حامد شیخ نے لاہور ہائیکورٹ کے حکم پر کمیٹی تشکیل دیدی۔
ڈی جی ماحولیات پنجاب عمران حامد شیخ نے بتایا تمام غیرقانونی سروس اسٹیشنز فوری بند کروانے کا حکم دیا گیا ہے، پانی ری سائیکل کرنے کے سسٹم کے بغیر سروس اسٹیشنز پر ایک لاکھ جرمانہ عائد ہو گا، 28 فروری تک پنجاب بھر کے سروس اسٹیشنز کو پانی ری سائیکلنگ سسٹم لگانے کا حکم دے دیا گیا۔
ڈی جی ماحولیات کا کہنا تھا کسی بھی قسم کے تیل سے گاڑی دھلوانے پر بھی پابندی عائد کی گئی ہے، گھروں میں گاڑی دھونے، پائپ کے استعمال پر 10 ہزار روپے جرمانہ ہو گا، ، تعمیراتی مقام پر بھی زمینی پانی کے استعمال پر پابندی عائد کی گئی ہے، تمام پابندیوں کا اطلاق فوری نافذ ہو گا۔
