28 Jan 2025
(لاہور نیوز) وزارتِ مذہبی امور کی جانب سے حتمی حج پیکج کا اعلان کر دیا گیا۔
وزارتِ مذہبی امور کے ترجمان کے مطابق لانگ حج پیکج کی حتمی قیمت 10 لاکھ 75 ہزار مقرر کی گئی ہے جبکہ شارٹ حج پیکج 11 لاکھ 50 ہزار روپے کا ہو گا، حج واجبات کی تیسری قسط یکم تا 10 فروری وصول کی جائے گی۔
ترجمان کا کہنا ہے کہ سرکاری حج سکیم میں محدود تعداد میں نشستیں باقی ہیں، نئی درخواستوں کی وصولی پہلے آئیے پہلے پائیے کی بنیاد پر 30 جنوری تک ہو گی، شارٹ حج کی بکنگ مکمل جبکہ خالی نشستوں پر صرف لانگ حج پیکج کی بکنگ ہوگی، پرائیویٹ عازمین حج کی بکنگ 31 جنوری تک جاری رہے گی۔
ترجمان مذہبی امور کا مزید کہنا تھا کہ حج منظم کمپنیاں وزارت کے ای پورٹل پر نجی عازمین کا ڈیٹا فوری اپ لوڈ کریں، عازمینِ حج نئی معلومات اور ہدایات کیلئے ’پاک حج 2025‘ موبائل ایپ ڈاون لوڈ کریں۔