(ویب ڈیسک) ویسٹ انڈین بولرز نے پاکستان کیخلاف ملتان ٹیسٹ کے دوران کرکٹ کی تاریخ کا 148 سالہ ریکارڈ توڑ دیا۔
پاکستان نے ملتان ٹیسٹ میچ میں ویسٹ انڈیز کے خلاف 128 رنز کی بڑی فتح حاصل کی۔ لیکن ویسٹ انڈین بولرز گوداکیش موتی، جومیل واریکن اور جیڈن سیلز نے پاکستان کے خلاف بلے سے ٹیسٹ کرکٹ کی 148 سالہ تاریخ کا ریکارڈ پہلی اننگ میں توڑ دیا۔
پہلی اننگ میں پاکستان نے ویسٹ انڈیز کے 66 پر 8 کھلاڑی آؤٹ کر دیے جس کے بعد ویسٹ انڈیز کے ٹیل اینڈرز مجموعی سکور 137 رنز تک لے گئے۔
نویں نمبر پر آنے والے موتی نے 19، 10 ویں نمبر پر آنے والے واریکن نے اننگ کا ٹاپ سکور 31 اور 11 ویں کھلاڑی سیلز نے 22 رنز سکور کیے۔
بیٹنگ لائن میں ٹاپ 8 بلے بازوں میں سے کوئی بھی 11 رنز سے زیادہ سکور نہیں کرسکا تھا اور یہ تاریخ میں پہلی بار ہوا تھا کہ اننگ کا ٹاپ سکور آخری تین بلے بازوں کے ہوں۔
اسکے علاوہ تاریخ میں ایسا تیسری بار ہوا ہے جب اننگ کے دو ٹاپ سکورر آخری دو بلے باز ہوں۔
دلچسپ بات یہ ہے کہ تینوں بیٹرز دوسری اننگ میں بغیر کوئی رن بنائے آؤٹ ہوئے۔
