![](/lahorenewsimages/x78651_21841645.jpg.pagespeed.ic.YJw2S9xMtV.jpg)
(لاہور نیوز) پاکستان سپر لیگ (پی ایس ایل) کی فرنچائز کراچی کنگز کو ایک اور بڑا دھچکا، سابق کپتان عماد وسیم کے بعد فاسٹ باؤلر محمد عامر نے بھی ٹیم کو چھوڑ دیا۔
ذرائع کے مطابق پی ایس ایل کے آئندہ ایڈیشن کے لئے محمد عامر کے کوئٹہ گلیڈی ایٹرز کے ساتھ معاملات طے پا گئے ہیں اور وہ پی ایس ایل 9 میں کوئٹہ گلیڈی ایٹرز کی طرف سے ان ایکشن ہوں گے۔
ذرائع کا کہنا ہے کہ محمد عامر اور سرفراز احمد کے درمیان اچھے تعلقات کی وجہ سے انہیں کوئٹہ گلیڈی ایٹرز کا حصہ بنایا گیا ہے۔
دوسری جانب عماد وسیم کے جانے کے بعد کراچی کنگز کی جانب سے ملتان سلطانز سے رابطہ کیا گیا اور شان مسعود کو ٹریڈ کرنے کی درخواست کی گئی ہے۔
ذرائع کا کہنا ہے کہ پی ایس ایل 9 میں کراچی کنگز کی کپتانی شان مسعود کو دیئے جانے کا امکان ہے اور ممکنہ طور پر طیب طاہر کو ملتان سلطانز کے ساتھ ٹریڈ کیا جائے گا۔
پی ایس ایل 9 کی ڈرافٹنگ 13 دسمبر کو لاہور میں منعقد ہونے کا امکان ہے۔ پاکستان کرکٹ بورڈ ( پی سی بی ) نے فرنچائزز کو ڈرافٹنگ کی تاریخ 13 دسمبردی ہے۔