(ویب ڈیسک)پاکستان کی معروف ٹک ٹاکرسحر حیات کو حاملہ ہونے کی خبر سوشل میڈیا پر شیئر کرنےکے باعث عوام نے تنقید کا نشانہ بنا ڈالا۔

تفصیلات کےمطابق رواں سال رشتہ ازدواج میں منسلک ہونے والی ٹک ٹاکر سحر حیات اور اُن کے شوہر سمیع رشید کے ہاں جلد ننھے مہمان کی آمد متوقع ہے، یہ جوڑی شادی کے بعد سے سوشل میڈیا پر اپنے نت نئے فوٹو شوٹس پوسٹ کرتے نظر آتے ہیں ۔

اب یہ جوڑی اپنے نئے یوٹیوب وی لاگ کے ساتھ مداحوں کے سامنے آئی جس میں اُنہوں نے بتایا کہ وہ بہت جلد والدین بننے والے ہیں۔اس کے علاوہ سحر حیات اور سمیع رشید نے اپنے آفیشل انسٹاگرام اکاوْنٹ پر نئے فوٹو شوٹ کی تصاویر پوسٹ کیں جن میں سحر ساڑھی میں ملبوس ہیں جبکہ سمیع نے لال رنگ کا کُرتا پہنا ہوا ہے۔

اس فوٹو شوٹ میں سحر اور سمیع نے نومولود بچے کے کپڑے اور جوتے لیکر تصاویر لیں اور اس منفرد انداز میں حمل کا اعلان کیا۔

سحر حیات نے اپنی پوسٹ کے طویل نوٹ میں لکھا کہ “میں نے ہمیشہ اپنی زندگی میں لوگوں کے ساتھ بھلائی کی، کبھی کسی کا بُرا نہیں چاہا لیکن مجھے کبھی اُس بھلائی کو صلہ نہیں ملا، میں سوچتی تھی کہ اللہ کب مجھے میری بھلائی کے اجر دیں گے”۔

ٹک ٹاکر نے کہا کہ “جب سمیع سے میری شادی ہوئی اور اب یہ اتنی بڑی خوشی ملنے جارہی ہے تو مجھے یقین ہوگیا دیر سے ہی سہی لیکن اپنے بندوں کو صلہ لازمی دیتا ہے”۔اُنہوں نے کہا کہ “میں اللہ کی شُکرگزار ہوں کہ مجھے اتنی بڑی خوشی سے نوازا، اس خوشی کا احساس بہت خوبصورت ہے، مجھے اپنی دُعاوْں میں یاد رکھیں”۔

سحر حیات کا فوٹو شوٹ اور حمل کا اعلان کرنا سوشل میڈیا صارفین کو ذرا بھی پسند نہیں آیا اور ٹک ٹاکر جوڑی کی پوسٹ پر تبصرے کرتے ہوئے اُنہیں شدید تنقید کا نشانہ بنا ڈالا۔

Follow Lahore News on Facebook

Install our App