ضمانت بنیادی حق، اسلام آباد ہائیکورٹ کے فیصلے کا خیرمقدم کرتے ہیں: شہباز شریف
(لاہور نیوز) پاکستان مسلم لیگ ن کے صدر و سابق وزیراعظم شہباز شریف نے کہا ہے کہ ضمانت نواز شریف کا بنیادی حق ہے ، اسلام آباد ہائیکورٹ کے فیصلے کا خیرمقدم کرتے ہیں۔
اسلام آبادہائیکورٹ سے نواز شریف کی حفاظتی ضمانت کے فیصلے پر ردعمل دیتے ہوئے شہباز شریف نے کہا کہ منتخب وزیراعظم نواز شریف کو ایک من گھڑت کہانی کی بنیاد پر نااہل قرار دیا گیا، انہیں مضحکہ خیز مقدمات میں پھنسایا گیا اور ان کے ساتھ ناروا سلوک کیا گیا۔
The elected Prime Minister, Nawaz Sharif, was disqualified based on a fictitious and fabricated story. He was implicated in absurd cases and subjected to mistreatment. Any fair hearing would have established his innocence. Bail is a fundamental right, and we welcome the IHC…
— Shehbaz Sharif (@CMShehbaz) October 19, 2023
ان کا مزید کہنا تھا کہ کسی بھی منصفانہ سماعت سے ان کی بے گناہی ثابت ہو جاتی، ضمانت ایک بنیادی حق ہے، ہم اس سلسلے میں اسلام آباد ہائیکورٹ کے فیصلے کا خیرمقدم کرتے ہیں اور امید کرتے ہیں کہ انصاف کا غلبہ ہوگا، انشاء اللہ۔