(ویب ڈیسک) سائنس دانوں نے دعویٰ کیا ہے کہ امپلانٹ کی جانے والی ایک نئی ڈیوائس بنائی گئی ہے جو ٹائپ 1 ذیابیطس میں مبتلا افراد کے زیر استعمال انسولین انجیکشن کی جگہ لے لے گی۔

امریکا کے میساچوسٹس اِنسٹیٹیوٹ آف ٹیکنالوجی (ایم آئی ٹی) کے محققین نے چیونگ گم کے سائز کی ایک ڈیوائس بنائی ہے جو ذیابیطس کے مریضوں کے جسم میں انسولین بنانے والے خلیے داخل کرنے کے ساتھ اس عمل کے لیے ضروری آکسیجن کو لامحدود مقدار میں مہیا کر سکتی ہے۔

چوہوں پر آزمائی جانے والی یہ ڈیوائس ذیابیطس کے مریضوں کو ان کے بلڈ شوگر کی مقدار اور انسولین کا انجیکشن لگانے کی مجبوری ختم کرنے کی صلاحیت رکھتی ہے۔ جبکہ سائنس دانوں کا ماننا ہے کہ یہ ڈیوائس (جس کی آزمائس جلد ہی انسان پر شروع ہونے  کا منصوبہ ہے) مطلوبہ پروٹین کی فراہمی کے ذریعے دیگر بیماریوں کے علاج کے طور پر بھی استعمال کی جاسکتی ہے۔

ایم آئی ٹی میں کیمیکل انجینئرنگ کے پروفیسر اور ڈیوائس بنانے میں مرکزی حیثیت رکھنے والے ڈاکٹر ڈینیئل اینڈرسن کا کہنا تھا کہ اس کو ایک زندہ میڈیکل آلے کے طور پر سمجھا جا سکتا ہے جو انسانی خلیوں سے بنا ہے اور انسولین خارج کرتا ہے ساتھ ہی اس میں ایک برقی لائف سپورٹ سسٹم بھی ہے۔

ڈاکٹر اینڈرسن کا کہنا تھا کہ مریضوں کی اکثریت انسولین پر انحصار کرتی ہے اور انسولین کے انجیکشن لگاتے ہیں لیکن ان کی بلڈ شوگر کی سطح صحت مند نہیں ہوتی۔ اگر ان کی بلڈ شوگر کی مقدار کو دیکھا جائے (ان کے بھی جو بہت احتیاط برتتے ہیں) تو انسولین وہ کام نہیں کرسکتی جو فعال لبلبہ کر سکتا ہے۔

ماہرین کو انسولین پیدا کرنے والے ٹرانسپلانٹڈ خلیوں کو مناسب آکسیجن کے ساتھ سپلائی کرنے کے مسائل کا سامنا تھا۔ جس کو ایم آئی ٹی کے سائنس دانوں نے جسم میں آبی بخارات کو اس کے اجزا (ہائڈروجن اور آکسیجن) میں توڑنے کا سراغ لگا کر حل کیا۔

بعد ازاں آکسیجن ڈیوائس کی سٹوریج چیمبر میں جاتی ہے جہاں وہ انسولین پیدا کرنے والے ٹرانسپلانٹڈ خلیوں کی نشوونما کرتا ہے جس کے بعد یہ خلیے بڑھے ہوئے بلڈ گلوکوز کی سطح پر فوراً اثرانداز ہوتے ہیں۔

Follow Lahore News on Twitter

Install our App