02 Apr 2026
(لاہور نیوز) لاہور سے میانوالی جانے والی میانوالی ایکسپریس کی دو بوگیاں مجاہد کالونی کے قریب پٹڑی سے اتر گئیں۔
واقعہ کے بعد ریلوے حکام اور امدادی ٹیمیں فوری طور پر موقع پر پہنچ گئیں۔
ریلوے حکام کے مطابق حادثے میں کوئی جانی نقصان نہیں ہوا اور نہ ہی کوئی مسافر زخمی ہوا۔ تمام مسافروں کو بحفاظت دیگر ڈبوں میں منتقل کرکے ٹرین کو دوبارہ اپنی منزل کی جانب روانہ کر دیا گیا۔
حکام کا کہنا ہے کہ پٹڑی سے اترنے والی بوگیوں کو دوبارہ ٹریک پر چڑھانے کے لیے ریلوے عملہ موقع پر موجود ہے اور بحالی کا کام جاری ہے۔ حادثے کی وجوہات جاننے کے لیے تحقیقات بھی شروع کر دی گئی ہیں۔
