05 Mar 2026
(لاہور نیوز) لاہور ڈویلپمنٹ اتھارٹی (ایل ڈی اے) نے غیر قانونی ہاؤسنگ سکیموں کے خلاف گرینڈ آپریشن کرتے ہوئے بیدیاں روڈ پر 9 غیر قانونی سکیموں کے خلاف کارروائی کی۔
ڈائریکٹر میٹرو پولیٹن زون فور کی سربراہی میں ٹیموں نے سکیموں کے دفاتر سیل کر دیئے جبکہ باؤنڈری وال، گیٹس، سڑکیں اور دیگر غیر قانونی تعمیرات مسمار کر دیں۔
ایل ڈی اے کے مطابق یہ آپریشن چیف میٹرو پولیٹن پلاننگ کی نگرانی میں کیا گیا، کارروائی سے قبل متعلقہ سکیموں کو متعدد نوٹسز بھی جاری کئے گئے تھے۔
ڈی جی ایل ڈی اے کا کہنا ہے کہ غیر قانونی رہائشی سکیموں، غیر قانونی تعمیرات اور کمرشل سرگرمیوں کے خلاف بلا امتیاز کارروائیاں جاری رہیں گی۔
