وزیر اعلیٰ مریم نواز ’’ کھیلتا پنجاب پنک گیمز ‘‘ افتتاحی تقریب کی مہمان خصوصی ہونگی
(لاہور نیوز) وزیر اعلیٰ پنجاب مریم نواز شریف پنجاب میں خواتین سپورٹس کے سب سے بڑے ایونٹ’’ کھیلتا پنجاب پنک گیمز ‘‘ افتتاحی تقریب کی مہمان خصوصی ہونگی۔
’’ کھیلتا پنجاب پنک گیمز ‘‘ تیاریاں جاری ہیں، مقابلے نشتر پارک سپورٹس کمپلیکس لاہور میں منعقد ہوں گے، وزیر اعلیٰ پنجاب مریم نواز شریف افتتاحی تقریب کی مہمان خصوصی ہوں گی۔
افتتاحی تقریب گیارہ فروری کو پنجاب سٹیڈیم میں ہو گی، پنک گیمز میں شرکت کیلئے تمام ڈویژنز کی کھلاڑی کل لاہور پہنچیں گی، گیمز میں شرکت کرنیوالی کھلاڑیوں کے ہاسٹلز کے نزدیک فوڈ سٹالز لگانے کا کام جاری ہے۔
سپورٹ بورڈ کی جانب سے تمام کھلاڑیوں کو ڈیلی الاؤنس دیا گیا جائے گا، خواتین کھلاڑی اپنی مرضی کا کھانا سٹالز سے خرید کر کھا سکیں گی، ڈی جی سپورٹس خضر افضال چودھری نے پنجاب سٹیڈیم کا دورہ کیا اور ’’ کھیلتا پنجاب پنک گیمز ‘‘ کی افتتاحی تقریب کیلئے جاری انتظامات کا جائزہ لیا۔
