08 Feb 2026
(لاہور نیوز) قومی کرکٹ ٹیم سے دور فاسٹ بولر حارث رؤف بسنت منانے لاہور پہنچ گئے اور دوستوں کے ساتھ مل کر خوب پتنگ بازی کی۔
پاکستان کرکٹ ٹیم کے فاسٹ بولر جو اس وقت کھیل کے میدان سے دور ہیں۔ فراغت کا وقت انجوائے کرنے کے لیے بسنت منانے پنڈی سے لاہور پہنچے اور دوستوں کے ساتھ مل کر خوب پتنگیں اڑائیں اور ماضی کی یادیں تازہ کیں۔
اس سلسلے میں ایک ویڈیو سوشل میڈیا پر پوسٹ کی گئی ہے، جس میں حارث رؤف کو بسنت کے موقع پر پتنگ اڑانے کے لیے لکڑی کی سیڑھی کے ذریعہ اندرون لاہور کی ایک چھت پر چڑھتے دیکھا جا سکتا ہے۔
بعد ازاں وہ چھت پر دوستوں کے ساتھ موج مستیاں کرتے ہوئے پتنگ اڑاتے دکھائی دیتے ہیں، اسی دوران اچانک پتنگ کی ڈور ٹوٹ جاتی ہے، جس پر حارث رؤف کہتے ہیں کہ ہوا بہت تیز چل رہی ہے۔
