جرم وانصاف
لاہور ہائیکورٹ کا محفوظ بسنت منانے کیلئے مکمل حفاظتی انتظامات یقینی بنانے کا حکم
04 Feb 2026
04 Feb 2026
(لاہور نیوز) لاہور ہائیکورٹ نے بسنت کو محفوظ انداز میں منانے کے لیے تمام ضروری حفاظتی اقدامات یقینی بنانے کا حکم دے دیا ہے۔
عدالت نے بسنت فیسٹول کے دوران ریڈ زون میں قائم پارکوں میں میڈیکل کیمپس قائم کرنے کی ہدایت بھی جاری کی ہے۔
جسٹس ملک اویس خالد نے گزشتہ سماعت کا تحریری عبوری حکم جاری کرتے ہوئے کہا کہ بسنت کے موقع پر تمام متعلقہ فریقین عوام کے تحفظ کو یقینی بنائیں۔ عدالت نے ہدایت کی ہے کہ کسی بھی ہنگامی صورتحال سے نمٹنے کے لیے تمام سہولیات کو فعال رکھا جائے۔
سماعت کے دوران اے ڈی سی جی نے عدالت میں رپورٹ پیش کی جس میں بتایا گیا کہ تین ہسپتالوں کو موبلائز کر دیا گیا ہے تاکہ کسی بھی ناخوشگوار واقعہ کی صورت میں فوری طبی امداد فراہم کی جا سکے۔
لاہور ہائیکورٹ نے کیس کی مزید سماعت 11 فروری تک ملتوی کر دی ہے۔
