13 Jan 2026
(لاہور نیوز) نشتر کالونی پولیس نے خفیہ اطلاع پر کارروائی کرتے ہوئے پتنگ فروش مافیا کے خلاف کریک ڈاؤن کے دوران بڑی مقدار میں پتنگوں کی ترسیل ناکام بنا دی۔
ترجمان کے مطابق پولیس نے نشتر کالونی اشارے کے قریب چھاپہ مار کر ملزم کو پتنگوں اور ڈور سمیت گرفتار کر لیا۔
پولیس کا کہنا ہے کہ گرفتار ملزم کاشف آن لائن آرڈرز کے ذریعے پتنگیں اور ڈور لاہور سمیت دیگر اضلاع میں فروخت کرتا تھا، کارروائی کے دوران ملزم کے قبضے سے 260 سے زائد پتنگیں اور 3 چرخیاں برآمد کی گئیں۔
ایس ایچ او نشتر کالونی زاہد محمود کے مطابق ملزم کے خلاف مقدمہ درج کر کے مزید تفتیش کا آغاز کر دیا گیا ہے۔
