10 Dec 2025
(لاہور نیوز) لاہور پولیس کی جانب سے شہر کے داخلی 11 ناکوں پر سخت چیکنگ کا عمل جاری، پولیس نے 21 اشتہاری ملزمان کو گرفتار کر لیا۔
24 کھنٹوں کےدوران شہر میں داخل ہونیوالی 1488مشکوک گاڑیوں کی چیکنگ کی گئی جبکہ 10ہزار519مشتبہ افرادکی تلاشی عمل میں لائی گئی۔
ای پولیس ایپ کی مدد سے مشکوک افراد کا ریکارڈ چیک کیا جارہا ہے، اس دوران اشتہاری مجرمان کی گرفتاریاں عمل میں لائی گئیں، دورانِ تلاشی رائفل، 30 گولیاں قبضہ میں لی گئیں۔
مختلف مقدمات میں مطلوب6اشتہاری مجرمان گرفتار کیے گئے جبکہ پڑتال ریکارڈ پر 9 عدالتی مفروران، 4 عادی مجرمان بھی حراست میں لئے گئے، مجموعی طور پر 21 افراد قانونی کارروائی کیلئے متعلقہ تھانوں کے حوالے کر دیئے گئے۔
ڈی آئی جی آپریشنز کا کہنا تھا کہ شہر کا امن برقرار رکھنے کیلئے ہمہ وقت کوشاں ہیں۔
