(لاہور نیوز) سی سی ڈی پولیس کی ایک کارروائی کے دوران چوہنگ میں مبینہ پولیس مقابلے میں زیر حراست ملزم محمد آصف ہلاک ہو گیا۔
پولیس کا کہنا ہے کہ آصف کو سی سی ڈی ٹیم نے زیر حراست لے کر چوہنگ کے علاقے میں منتقل کیا تھا، جہاں اس کے ساتھیوں نے پولیس ٹیم پر حملہ کر دیا تاکہ وہ اپنے ساتھی کو چھڑا سکیں۔
پولیس کے مطابق آصف کے ساتھیوں کی فائرنگ سے آصف موقع پر ہلاک ہو گیا، پولیس نے جوابی کارروائی کی، تاہم آصف کی موت کی وجہ سے مزید کوئی زخمی نہ ہوا، ہلاک ہونے والے ملزم کی لاش کو مردہ خانہ منتقل کر دیا گیا ہے، جبکہ اس کے ساتھیوں کی گرفتاری کیلئے پولیس ٹیم تشکیل دے دی گئی ہے۔
پولیس کے مطابق ہلاک ہونے والا ملزم محمد آصف منشیات فروشی سمیت مختلف وارداتوں میں ملوث تھا اور اس پر کئی مقدمات درج تھے، پولیس کا کہنا ہے کہ آصف کے ساتھیوں کو جلد گرفتار کر لیا جائے گا اور ان کے خلاف قانونی کارروائی کی جائے گی۔
