(لاہور نیوز) چیئرمین پی سی بی محسن نقوی دبئی پہنچ گئے۔
ذرائع کے مطابق محسن نقوی آج آئی سی سی بورڈ ممبرز اجلاس میں شرکت کرینگے، اجلاس میں تمام کرکٹ بورڈز کے سربراہان بھی موجود ہونگے، اجلاس میں آئی سی سی ٹی ٹوئنٹی ورلڈکپ 2026 اور ویمنز کرکٹ ورلڈکپ 2025 سے متعلق گفتگو متوقع ہے۔
ذرائع کا کہنا ہے کہ اجلاس میں فیوچر ٹور پروگرام اور ٹیسٹ کرکٹ پر بھی گفتگو کا امکان ہے، اجلاس کی سائیڈ لائنز پر چیئرمین پی سی بی کی دیگر بورڈز حکام سے ملاقاتیں بھی متوقع ہیں، آئندہ سال سری لنکا میں پاک سری لنکا ٹی ٹوئنٹی سیریز کو حتمی شکل دیئے جانے کا بھی امکان ہے۔
ذرائع نے مزید بتایا کہ اجلاس میں آئندہ سال پاکستان میں شیڈول پاک آسٹریلیا ٹی ٹوئنٹی سیریز کے وینیوز کو بھی فائنل کیا جا سکتا ہے، بھارتی میڈیا آئی سی سی اجلاس میں بی سی سی آئی کی جانب سے ایشیا کپ ٹرافی کا معاملہ اٹھانے کا دعوی بھی کر چکا ہے۔
