08 Oct 2025
(لاہور نیوز) کاہنہ تھانہ کی حدود میں سی سی ڈی کے مبینہ پولیس مقابلے میں زیر حراست ملزم اپنے ہی ساتھیوں کی فائرنگ سے ہلاک ہو گیا۔
سی سی ڈی پولیس ذرائع کے مطابق ہلاک ملزم کو سی سی ڈی کاہنہ تھانہ کی حدود میں نشاندہی کے لئے لے کر گئی، ہلاک ملزم کے ساتھیوں نے پولیس پر فائرنگ کر دی، ساتھیوں نے زیر حراست ملزم کو چھڑوانے کے لئے حملہ کیا، ایک ملزم ساتھیوں کی فائرنگ سے ہلاک ہو گیا اور دوسرا ساتھی فرار ہو گیا۔
سی سی ڈی پولیس کے مطابق ہلاک ملزم کی لاش مردہ خانہ منتقل کر دی گئی، ملزم سنگین وارداتوں میں ملوث تھا۔
