12 Sep 2025
(ویب ڈیسک) پنجاب میں ذخیرہ اندوزوں کیخلاف شکنجہ سخت کرنے کے بعد گندم کی فی من قیمت میں 800 روپے کمی ہو گئی۔
معاون خصوصی وزیر اعلیٰ پنجاب سلمی بٹ کا کہنا ہے سیلاب کی آڑ میں مصنوعی قلت پیدا کرنے والوں سے سختی سے نمٹا جا رہا ہے، پنجاب میں گندم کی کوئی قلت نہیں، اگلے سال تک کا سٹاک موجود ہے۔
سلمیٰ بٹ نے کہا کہ سیلاب کا گندم کی قیمتوں میں اضافے سے کوئی لینا دینا نہیں، سیلاب کی آڑ میں گندم و آٹے کی قیمتوں میں مصنوعی اضافہ کیا گیا، پنجاب میں ڈھائی لاکھ ٹن ڈکلیئر سٹاک موجود ہے۔
انہوں نے کہا کہ ڈکلیئر سٹاک آئندہ فصل آنے تک پنجاب کیلئے کافی ہے، ذخیرہ اندوزوں کے خلاف کارروائی کر کے اڑھائی لاکھ ٹن گندم برآمد کی جا چکی ہے۔
سلمیٰ بٹ نے کہا کہ وزیراعلی کے نوٹس اور کارروائیوں کے بعد فی من گندم 800 روپے کم ہوئی، کارروائیاں مزید تیز کریں گے۔
