لاہور، وزیر آباد اور میانوالی میں ضمنی انتخابات رینجرز کی سکیورٹی میں کرانے کا فیصلہ
(لاہور نیوز) الیکشن کمیشن کی جانب سے پنجاب میں ضمنی انتخابات پر رینجرز تعیناتی کا فیصلہ کر لیا گیا۔
لاہور، وزیرآباد اور میانوالی کے ضمنی انتخابات میں پولنگ سٹیشن کے باہر رینجرز کی تعیناتی کے لیے محکمہ داخلہ پنجاب کو خط لکھ دیا گیا ہے، ذرائع نے بتایا کہ الیکشن کمیشن نے پنجاب میں ضمنی الیکشن رینجرز کی سکیورٹی میں کرانے کا فیصلہ کیا ہے۔
الیکشن کمیشن نے 17 سے 19 ستمبر تک پولنگ سٹیشنز کے باہر رینجرز کی سکیورٹی تعینات کرنے کے لیے محکمہ داخلہ کو خط لکھا ہے،ذرائع کے مطابق رینجرز کی تعیناتی آرٹیکل 220 کے تحت الیکشن کمیشن کی معاونت کے لیے ہو گی۔
خط کے مطابق انتخابات کے پُرامن انعقاد کے لیے رینجرز کی تعیناتی مانگی کی گئی ہے، ذرائع کے مطابق حلقہ این اے 66 وزیر آباد، این اے 129 لاہور اور پی پی 87 میانوالی میں 18ستمبر کو ضمنی انتخابات شیڈول ہے۔
پی ٹی آئی کے رہنما میاں اظہر کے انتقال کے باعث حلقہ این اے 129 لاہور کی نشت خالی ہوئی تھی۔
