(ویب ڈیسک)معروف اداکار شمعون عباسی نےمرحومہ اداکارہ حمیرا اصغر کی والدہ کی جانب سے کراچی کے لوگوں پر الزامات لگانے پر جواب دے دیا۔

رپورٹ کےمطابق اداکار شمعون عباسی نے ایک ویڈیو پیغام میں کہا کہ ہم والدین کی تکلیف کا اندازہ نہیں لگا سکتے، مگر والدین ہونے کے ناتے یہ ان کی ذمہ داری تھی کہ وہ بیٹی کی خبر لیتے۔ جب حمیرا نے مدد مانگی تو اس کے والدین نے مدد کرنے سے انکار کر دیا۔ جب سوشل میڈیا پر شور مچا تو میت لینے کے لیے بھائی آگئے اور موقف بھی بدل گیا۔

شمعون نے کہا کہ اگر مالی حالات اجازت نہیں دیتے تھے تو لاہور سے کسی رشتہ دار یا جاننے والے کو معمولی اخراجات پر کراچی بھیج کر بیٹی کی خیریت معلوم کی جا سکتی تھی، پولیس کی مدد بھی لی جا سکتی تھی۔ لیکن والدین نے اپنے کندھوں سے ذمہ داری ہٹا کر کراچی کے شہریوں پر الزام لگا دیا۔

شمعون عباسی نے مزید بتایا کہ شوبز انڈسٹری کے بہت سے لوگ اور این جی اوز اس وقت رابطے میں تھے کہ اگر والدین میت لینے سے انکار کر دیں تو وہ حمیرا کی تدفین کی ذمہ داری لیں گے۔ انہوں نے کہا کہ یہ صرف باتیں نہیں بلکہ اس پر باقاعدہ انتظامات کیے جا رہے تھے۔

اداکار کا کہنا تھا کہ ہمیں بھی حمیرا کے جانے کا دکھ ہے، لیکن دکھ کی اس گھڑی میں دوسروں پر الزام لگانے سے بہتر ہے کہ ہم اپنی ذمہ داریاں پہچانیں، کیونکہ تنہائی میں مرنے والوں کی اصل ذمہ داری خاندان پر ہوتی ہے، پورے شہر پر نہیں۔

واضح رہےکہ حمیرا کے والدین نے ایک انٹرویو میں حمیرا کی ذاتی زندگی اور ان کی تنہائی پر گفتگو کرتے ہوئے کراچی کے لوگوں کو ’’بے حس‘‘ اور ’’بے درد‘‘ قرار دیا تھا۔ حمیرا کی والدہ نے کہا تھا کہ ان کی بیٹی کے فلیٹ سے چیخوں کی آوازیں آتی تھیں لیکن کسی نے دروازہ نہیں کھٹکھٹایا اور کراچی کے لوگ لاپروائی سے سیر و تفریح پر چلے گئے۔ انہوں نے غصے میں کہا کہ ’’میں لعنت بھیجتی ہوں کراچی کے لوگوں پر۔

Follow Lahore News on Facebook

Install our App