03 Jul 2025
(لاہور نیوز) شہر میں ہوائیں چلنے سے گرمی کی شدت میں کمی ہو گئی، مطلع جزوی طور پر ابر آلود ہے۔
موسم کا حال بتانے والوں کا کہنا ہے کہ لاہور میں ہلکی تازہ ہوائیں چلنے کا سلسلہ برقرار ہے، موجودہ درجہ حرارت 31 ڈگری سینٹی گریڈ ریکارڈ کیا گیا، شہر کا زیادہ سے زیادہ درجہ حرارت 34 سے 35 ڈگری سینٹی گریڈ کے درمیان رہ سکتا ہے۔
محکمہ موسمیات کے مطابق آئندہ 24 گھنٹے کے دوران بارش کا امکان موجود ہے، بارش برسانے والے بادلوں نے لاہور کا رخ کر لیا، تیز ہوا کی صورت میں بادلوں کا رخ تبدیل ہونے کے بھی امکانات ہیں۔
ادھر لاہور آلودہ شہروں کی فہرست میں پہلے نمبر پر براجمان ہے، شہر میں فضائی آلودگی کی مجموعی شرح 147 ریکارڈ کی گئی۔
