01 May 2025
(لاہور نیوز) راوی روڈ سلنڈر دھماکے میں ہلاکتوں کی تعداد 7 ہو گئی۔
پولیس کے مطابق حادثے میں زخمی عدنان زخموں کی تاب نہ لاتے ہوئے رات گئے دم توڑ گیا، باقی آٹھ زخمی ہسپتال میں زیر علاج ہیں، حادثے میں ایک ہی خاندان کے تین بہن بھائی اور انکی والدہ جاں بحق ہو گئی تھیں۔
پولیس نے بتایا کہ حادثے میں دکان کے مالک کا بھائی اور اسکی بیوی بھی جان سے گئے ہیں، حادثہ رکشہ میں ری فلنگ کرتے ہوئے شارٹ سرکٹ سے پیش آیا۔
حادثے میں تمام جاں بحق ہونے والوں کی لاشوں کو قانونی کارروائی کے بعد ورثا کے حوالے کیا گیا جن کو شفیق آباد کے علاقے میں سوگواروں کی موجودگی میں سپرد خاک کر دیا گیا۔
پولیس نے بتایا کہ سلنڈر دھماکے کا مقدمہ انسٹرکٹر سول ڈیفنس راحیل اجمل کی مدعیت میں راوی روڈ تھانہ میں درج گیا گیا، مختلف پہلوؤں پر تفتیش کا عمل شروع کر رکھا ہے۔
