27 Apr 2025
(ویب ڈیسک) وفاقی حکومت نے لیسکو میں ہونے والی بے ضابطگیوں کی تحقیقات مکمل کر لیں۔
تفصیلات کے مطابق وزیراعظم نے انکوائری رپورٹ کی روشنی میں فوجداری و محکمانہ کارروائی کی منظوری دے دی،تحقیقاتی کمیٹی نے مٹیریل کی خریداری سمیت دیگر امور کی انکوائری رپورٹ وزیراعظم کو ارسال کی تھی،اُنہوں نے سیکرٹری داخلہ اور سیکرٹری پاور ڈویژن کو کارروائی کرنے کا حکم دے دیا۔
انکوائری کمیٹی نے سفارش کی ہے کہ مٹیریل کی خریداری پیپرا رولز کے مطابق کی جائے، بلیک لسٹ ہونے والی کمپنیوں کو مسترد کیا جائے، گرڈ سٹیشنز کے مٹیریل کا دوبارہ ٹائپ ٹیسٹ کروایا جائے،لیسکو ایگزیکٹو آفیسر کے اختیارات میں واپڈا رولز 12میں ترمیم کرنے کی سفارش کی گئی،اے ایم آئی میٹرز کی تنصیب کو یقینی بنایا جائے،کمپنیوں میں اضافی چارج ،ایڈہاک پر بھرتی کیلئے قانون سازی کی جائے۔
