(لاہور نیوز) نائب وزیر اعظم وزیر خارجہ اسحاق ڈارنے کہا ہے کہ سندھ طاس معاہدہ معطل کرنے کے جواب میں شملہ معاہدہ ختم کر سکتے ہیں۔

وفاقی دارالحکومت میں قومی سلامتی کمیٹی اجلاس کے بعد وفاقی وزرا کے ہمراہ پریس کانفرنس کرتے ہوئے اسحاق ڈار کا کہنا تھا کہ آج قومی سلامتی کمیٹی کا اجلاس ہوا، آج کےاجلاس میں اہم فیصلےکیےگئے،اجلاس میں سیاسی وعسکری قیادت نےشرکت کی۔

انہوں نے کہا کہ معاہدے کےتحت بھارت سندھ طاس معاہدہ معطل نہیں کرسکتا، بھارت کا رویہ بڑا ہی غیرذمہ دارانہ ہے،ہم نےبھی آج واہگہ بارڈرکوفوری بند کردیا ہے،30اپریل تک بھارتی شہری واپس چلےجائیں۔

نائب وزیر اعظم کا کہنا تھاکہ بھارتی شہریوں کو جاری کئے گئے ویزے کینسل کردیے گئے ہیں،سارک ویزا کےتحت پاکستان میں داخل ہونےوالے48گھنٹےتک واپس چلےجائیں،واہگہ کےراستےہرقسم کی تجارت کومعطل کیا جارہا ہے۔

وفاقی وزیر دفاع خواجہ آصف نے کہا ہے کہ بھارت نےکوئی بھی ایڈوانچرکرنےکی کوشش کی توماضی سےبھی برا حشر ہوگا،نریندر مودی واحد حکمران ہےجس پر قتل عام کی وجہ سے پابندیاں لگیں۔ان کا کہنا تھا کہ بھارت نے پاکستان پرالزامات لگائے، مقبوضہ کشمیرمیں9لاکھ بھارتی فوج کی موجودگی میں ایسا واقعہ ہوا، پاکستان نے واقعے کی مذمت کی ہے، پاکستان دنیا میں سب سے زیادہ دہشت گردی کا نشانہ بنا، بی ایل اے، ٹی ٹی پی کے سپانسر بھارت میں بیٹھے ہوئے ہیں۔

خواجہ آصف کا کہنا تھا کہ افغانستان سےجوکچھ ہورہا ہےبھارت کےہاتھ نظر آتے ہیں، بھارت نے کینیڈا،امریکا میں بھی دہشت گردی کوایکسپورٹ کیا، جوالزامات بھارت پرہیں ویسا کوئی الزام پاکستان پرنہیں ہے۔وزیر دفاع کا مزید کہنا تھا کہ بھارت نےابھی تک پاکستان کا نام نہیں لیا،اگر وہ نام لیتے ہیں تو بھرپورجواب دیں گے،ابھی بھارتی میڈیا الزام تراشی کررہا ہے، ہمارے پاس دہشت گردی کی زندہ گواہی کلبھوشن یادیو ہے۔

وفاقی وزیر اطلاعات ونشریات عطا تارڑ نے کہا ہے کہ کل بھارت نےگیدڑ بھبھکیاں دیں، اس پر بھارت کی یئراسپیس بند کردی ہے، بھارت نے سندھ طاس معاہدہ معطل کرنے سے پہلے اسےپڑھنے کی زخمت نہیں کی ، ایسا اقدام عالمی قوانین کی کھلم کھلا خلاف ورزی ہے۔

Follow Lahore News on Facebook

Install our App