
11 Mar 2025
(لاہور نیوز) ڈیفنس اے اور چوکی سپر ٹاؤن پولیس نے پتنگیں بنانے والے کارخانے پر چھاپہ مار کر ملزم دلشاد عرف شادا گرفتار کر لیا۔
پولیس کے مطابق ملزم سے لاکھوں مالیت کی پتنگیں، ڈور کی چرخیاں اور خام مال برآمد ہوا ، ملزم پتنگیں تیار کر کے مختلف علاقوں میں سپلائی کرتا تھا۔
واضح رہے کہ پنجاب پولیس انسداد پتنگ بازی ایکٹ پر سختی سے عملدرآمد کروانے میں مصروف عمل ہے، ترجمان پولیس کے مطابق رواں سال لاہور سمیت صوبہ بھر میں انسداد پتنگ بازی ایکٹ کی خلاف ورزی پر 2030 ملزم گرفتار اور 1993 مقدمات درج کئے گئے، اسی طرح 4 لاکھ 20 ہزار 266 پتنگیں، 14 ہزار 139 چرخیاں برآمد اور 1731 کیسز کے چالان جمع کرائے گئے۔