18 Feb 2025
(لاہور نیوز) امتحانی سینٹرز میں ڈیوٹی کے معاملے پر نجی اساتذہ کی چھٹی کروا دی گئی۔
امتحانات میں نگرانی کے لئے پالیسی فائنل ہو گئی، نجی سکولوں کے ٹیچرز امتحانی ڈیوٹی سے فارغ کر دیئے گئے، صرف سرکاری ٹیچرز ہی امتحانی ڈیوٹی کر سکیں گے۔
میٹرک اور انٹرمیڈیٹ کے سالانہ امتحانات میں نجی عملے کی تعیناتی کی اجازت نہیں ہو گی، میٹرک کے سالانہ امتحانات میں 10 ہزار نگران ٹیچرز ڈیوٹی انجام دیں گے۔
بورڈ حکام کا کہنا ہے کہ یہ فیصلہ نقل مافیا کو کنٹرول کرنے کے لئے کیا گیا ہے، سرکاری ٹیچرز کی ڈیوٹی بھی آٹو میشن کے تحت لگائی جائے گی۔
بورڈ حکام کے مطابق گزشتہ امتحانات میں نقل سکینڈل میں زیادہ تر پرائیویٹ اساتذہ ملوث پائے گئے۔
