20 Jan 2025
(لاہور نیوز) چیئرمین سینیٹ یوسف رضا گیلانی نے کہا ہے کہ حکومت اور اپوزیشن کے درمیان میچ نہیں مذاکرات چل رہے ہیں۔
اسلام آباد میں میڈیا سے گفتگو کرتے ہوئے پی پی رہنما یوسف رضا گیلانی کا کہنا تھا کہ تحریک انصاف اور حکومت دونوں کو گفت و شنید کا پلیٹ فارم دیا ہے۔
انہوں نے کہا کہ اپوزیشن اور حکومت کے درمیان میچ نہیں مذاکرات چل رہے ہیں، ملکی میں سیاستی استحکام کیلئے مذاکرات واحد حل ہیں، دوسرا آپشن کوئی بھی نہیں۔
یوسف رضا گیلانی کا کہنا تھا کہ پی ٹی آئی رہنما سینٹر اعجاز چودھری کے پروڈکشن آرڈر جاری کئے تھے مگر انہیں سینیٹ اجلاس میں نہیں لایا گیا، دوسری جانب انہوں نے کہا کہ میڈیا کرکٹ لیگ کا انعقاد خوش آئند ہے، اس کے انعقاد سے صحت مند سرگرمیوں کو فروغ ملے گا۔
