(ویب ڈیسک) ماہرین نے کہا ہے کہ رات دیر سے کھاناکھانے والے لوگوں میں فالج کی بیماری مبتلا ہونے کے خطرات میں اضافہ ہوسکتا ہے۔

تفصیلات کےمطابق تحقیق میں محققین نے ایک لاکھ سے زائد افرادکا معائنہ کیا، تحقیق میں تمام شرکا نے 15 فوڈ ڈائریز مکمل کیں جن میں انہوں نے ہفتے کے کام کے دنوں  اور چھٹی کے دنوں  میں کھانا  کھانے کے اوقات کے متعلق بتایا۔

کُل تعداد کا ایک تہائی  کا حصہ ان افراد پر مشتمل تھا جو رات 8 بجے سے پہلے رات کا کھانا کھا لیتے تھے جبکہ اتنا ہی حصہ ان افراد پر مشتمل تھا جو رات 9 بجے کے بعد کھانا کھاتے تھے۔7 سال تک جاری رہنے والے اس مطالعے کے دوران دل کے دورے اور فالج سمیت 2  ہزار کے قریب قلبی مرض کے کیسز سامنے آئے۔

وہ افراد جنہوں نے سب سے تاخیر سے رات کا کھانا کھایا تھا ان میں فالج یا ’منی اسٹروک‘ کے امکانات رات 8 بجے سے قبل کھانا کھانے والوں کے مقابلے میں 28 فیصد زیادہ دیکھے گئے۔محققین کے مطابق انسان کی ارتقا دن میں جلدی کھانے کے لیے ہوئی ہے۔ مطالعے یہ بتاتے ہیں کہ بعد کے اوقات میں کھانے کا ہضم ہونا خون میں شوگر کی مقدار اور بلڈ پریشر میں اضافہ کر دیتا ہے۔

تحقیق کے سینئر مصنف کا کہنا تھا کہ کئی لوگ کہتے تھے کہ رات کا کھانا تاخیر سے نہ کھایا جائے اور یہ تحقیق بتاتی ہے کہ اس مشورے میں کچھ منطق تھی،انہوں نے بتایا کہ اب ہمارا معاشرہ 7/24 ہے، جہاں لوگوں کولگتا ہے کہ ان کے پاس وقت نہیں ہے، اور اس لیے ہم میں سے کئی رات کو دیر سے کھانا کھاتے ہیں لیکن وہ لوگ جو اپنے مصروف ہونے کا سوچ کر دیر سے کھانا کھاتے ہیں ان کا ایسا کرنا ان کی صحت کے لیے خطرات میں اضافہ کر سکتا ہے ۔

Follow Lahore News on Facebook

Install our App